തൃക്കരിപ്പൂര്‍ : സൗത്ത് തൃക്കരിപ്പൂരില്‍ നടക്കുന്ന ചെറുവത്തൂര്‍ ഉപജില്ലാ കലോത്സവത്തിന്റെ ഔപചാരിക ഉദ്ഘാടനം പി.കരുണാകരന്‍ എം.പി നിര്‍വ്വഹിച്ചു.
ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ അധ്യക്ഷത വഹിച്ചു. കാസറഗോഡ് ഡി.ഡി.ഇ ഗിരീഷ് ചോലയില്‍ മുഖ്യാഥിതിയായിരുന്നു. കലോത്സവ സുവനീറിന്റെ പ്രകാശനം തൃക്കരിപ്പൂര്‍ പഞ്ചായത്ത് സ്ഥിരം സമിതി ചെയര്‍മാന്‍ വി.കെ.ബാവ നിര്‍വ്വഹിച്ചു. എച്ച്.എസ്.ഇ അസിസ്റ്റന്റ് കോര്‍ഡിനേറ്റര്‍ പി.രവീന്ദ്രന്‍ ഏറ്റുവാങ്ങി. ബ്ലോക്ക് പഞ്ചായത്തംഗം ഗീതാ രമേശന്‍, പഞ്ചായത്തംഗങ്ങളായ ടി.വി.കുഞ്ഞികൃഷ്ണന്‍, ടി.വി.വിനോദ്കുമാര്‍, ഡി.പി.ഒ പി.പി.വേണുഗോപാലന്‍, എ.ഇ.ഒ ടി.എം.സദാനന്ദന്‍, കാസറഗോഡ് ഡയറ്റിലെ രാമചന്ദ്രന്‍ നായര്‍, ബി.ആര്‍.സി ബി.പി.ഒ കെ.നാരായണന്‍, സംഘാടകസമിതി രക്ഷാധികാരി എം.പി.കരുണാകരന്‍, പി.ടി.എ പ്രസിഡന്റ് കെ.വി.ശശിധരന്‍, മദര്‍ പി.ടി.എ പ്രസിഡന്റ് കെ.വി.ബിന്ദു, എച്ച്.എം ഫോറം കണ്‍വീനര്‍ എം.പി.രാഘവന്‍ പ്രസംഗിച്ചു. ജനറല്‍ കണ്‍വീനര്‍ കെ.സ്നേഹലത സ്വാഗതവും ഹെഡ്മിസ്ട്രസ് രേണുകാദേവി ചങ്ങാട്ട് നന്ദിയും പറഞ്ഞു.
